Ecwiti, Amrywiaeth a Chynhwysiant

Mae Saethu Cymru yn falch o fod yn llunio camp sy'n adlewyrchu gwerthoedd Cymru fodern: agored, cynhwysol a pharchus. 

Ein Strategaeth Taro Eich Marc yn egluro bod cynhwysiant, parch a mynediad yn hanfodol i'n dyfodol. Mae'r polisi hwn yn cryfhau'r ymrwymiad hwnnw drwy osod disgwyliadau clir ar gyfer ymddygiad a diwylliant ar draws ein sefydliad. 

Rydym yn glir nad oes lle i fwlio, aflonyddu, gwahaniaethu, erledigaeth, a mathau eraill o ymddygiad amhriodol o fewn Saethu Cymru. Mae ymddygiad o'r fath yn anghydnaws â'n gwerthoedd a'n disgwyliadau ac ni fydd yn cael ei oddef. Bydd pob pryder yn cael ei gymryd o ddifrif, ei ymchwilio'n briodol, a'i drin yn unol â pholisïau a gweithdrefnau Saethu Cymru. Lle mae pryderon yn cael eu cadarnhau, bydd Saethu Cymru yn cymryd camau prydlon a chymesur. 

Ar yr un pryd, rydym yn cydnabod nad atal ymddygiad negyddol yn unig yw cynhwysiant; mae'n ymwneud â chreu amgylchedd cadarnhaol yn weithredol lle mae pawb yn teimlo eu bod yn cael eu croesawu, eu gwerthfawrogi a'u bod yn gallu cyfrannu. 

Mae gan bob un ohonom ran i'w chwarae wrth gyflawni hyn. Disgwylir i bob unigolyn sy'n gysylltiedig â Saethu Cymru gyfrannu'n gadarnhaol at amgylchedd sy'n hyrwyddo urddas, parch, cynhwysiant a chyfle i bawb.